ಡಿಡಿ ಕೊಸಾಂಬಿ ಪಟ್ಟಿ ಮಾಡುವ ಕಾರಣಗಳು ಈ ರೀತಿ ಇವೆ.
“ತರ್ಕದ ಕೊರತೆ, ದಿನ ನಿತ್ಯದ ವಾಸ್ತವ ಬದುಕಿನ ಬಗ್ಗೆ ದ್ವೇಷ, ದೈಹಿಕ ಹಾಗೂ ಸೇವಕನ ಕೆಲಸಗಳನ್ನು ಮಾಡದಿರುವುದು, ಗೂಢಾರ್ಥಗಳನ್ನು ಅರ್ಥೈಸುವುದನ್ನು ಗುರುಗಳಿಗೆ ಬಿಟ್ಟು ಮೂಲಪಾಠವನ್ನು ಕಂಠಪಾಠ ಮಾಡಿ ಕಲಿಯುವ ಕ್ರಮ, ಹಾಗೂ ಪ್ರಾಚೀನ ಕಾಲದಿಂದಲೂ ಒಂದು ಕಾಲ್ಪನಿಕ ಅಧಿಕೃತತೆ ಇದೆ ಎನ್ನುವ ಕಾರಣಕ್ಕೆ ಸಂಪ್ರದಾಯಗಳನ್ನು( ಅವು ಎಷ್ಟೇ ಅರ್ಥಹೀನವಾಗಿದ್ದರೂ) ಗೌರವಿಸುವುದು, ಇವೆಲ್ಲವುಗಳಿಂದ ಭಾರತೀಯ ವಿಜ್ಞಾನಕ್ಕೆ ವಿಪರೀತ ಹಾನಿಯಾಗಿದೆ”.
ಈ ಶಾಪ ಇವತ್ತಿಗೂ ಕಾಡುತ್ತಿದೆ. ಈ ಶಾಪದಿಂದ ಬಿಡುಗಡೆ ಪಡೆಯದೆ ಏನು ಮಾಡಿದರೂ ವ್ಯಕ್ತಿಗಳಾಗಲಿ ರಾಷ್ಟ್ರಗಳಾಗಲಿ ಉದ್ಧಾರವಾಗಲು ಸಾಧ್ಯವಿಲ್ಲ.




