Friday, November 20, 2026

ಪ್ರಾಯೋಗಿಕ ಆವೃತ್ತಿ

ಮಂಡ್ಯ : ಚಿರತೆ ದಾಳಿಗೆ ಮೂರು ಕುರಿಗಳ ಬಲಿ

ಚಿರತೆಯೊಂದು ದಾಳಿ ನಡೆಸಿ 3 ಬಂಡೂರು ಕುರಿಯನ್ನು ಕೊಂದು ಹಾಕಿರುವ ಘಟನೆ ಹಳೇ ಬೂದನೂರು ಗ್ರಾಮದಲ್ಲಿ ಜರುಗಿದ್ದು ಶುಕ್ರವಾರ ವರದಿಯಾಗಿದೆ.

ಗ್ರಾಮದ ಮಂಗಯ್ಯನಗರ ನಿವಾಸಿ ವಕೀಲ ಅರುಣ್ ಅವರ ಮನೆಯಲ್ಲಿ ಕೃತ್ಯ ಜರುಗಿದೆ. ಗುರುವಾರ ತಡರಾತ್ರಿ ಕುರಿ ಕೊಟ್ಟಿಗೆಗೆ ಲಗ್ಗೆ ಹಾಕಿರುವ ಚಿರತೆ ಒಂದು ಲಕ್ಷ ರೂ. ಬೆಲೆ ಬಾಳುವ 3 ಬಂಡೂರು ಕುರಿಗಳನ್ನು ಕೊಂದಿದೆ.

ಸ್ಥಳಕ್ಕೆ ಅರಣ್ಯ ಅಧಿಕಾರಿ ಲೋಕೇಶ್, ವೈದ್ಯಾಧಿಕಾರಿಗಳು ಭೇಟಿ ನೀಡಿ ಪರಿಶೀಲನೆ ನಡೆಸಿದರು.

ಕಳೆದ ಹಲವು ದಿನಗಳಿಂದ ಗ್ರಾಮದ ಜನನಿಬಿಡ, ಗದ್ದೆಯಂಚಿನ ಮನೆಗಳಿಗೆ ಚಿರತೆ ದಾಳಿ ನಡೆಸಿ ನಾಯಿಗಳನ್ನು ತಿಂದು ಹಾಕಿದೆ. ಬೋನು ಇರಿಸಿದರೂ ಪ್ರಯೋಜನವಾಗಿಲ್ಲ. ಅರಣ್ಯ ಇಲಾಖೆ ಸೂಕ್ತ ಕಾರ್ಯಾಚರಣೆ ನಡೆಸಬೇಕೇಂದು ರೈತ ಮುಖಂಡ ಪುಟ್ಟಸ್ವಾಮಿ ಒತ್ತಾಯಿಸಿದ್ದಾರೆ.

ಚಿರತೆ ಆಗಮಿಸಿರುವ ದೃಶ್ಯವನ್ನು ಮನೆ ಮಾಲೀಕ ಅರುಣ್ ಮೊಬೈಲ್ ನಲ್ಲಿ ಚಿತ್ರಿಕರಿಸಿದ್ದಾರೆ.

ನಮ್ಮ ಸುದ್ದಿಗಳು ಇಷ್ಟವಾದರೆ ನುಡಿ ಕರ್ನಾಟಕ.ಕಾಂ (ಮಂಡ್ಯ ಡಿಜಿಟಲ್ ಮೀಡಿಯಾ) ಗೆ ದೇಣಿಗೆ ನೀಡಿ ಪ್ರೋತ್ಸಾಹಿಸಿ

Related Articles

LEAVE A REPLY

Please enter your comment!
Please enter your name here

ಅತ್ಯಂತ ಜನಪ್ರಿಯ