Friday, November 20, 2026

ಪ್ರಾಯೋಗಿಕ ಆವೃತ್ತಿ

ಬೆಂಕಿ-ಬಾಣಲೆ ಮತ್ತು ನೀರು

ಬೆಂಕಿಯನು
ನಂದಿಸಲು
ನಂಟಿರಬೇಕಾದ್ದು
ನೀರಿನ ಜೊತೆಗೇ ಹೊರಟು
ಬೂದಿಮುಚ್ಚಿದ
ಕೆಂಡದ ಜೊತೆಗಲ್ಲ….

ಕೆಂಡವು ಕಾಯುವುದು
ಬೆಂಕಿಯಾಗುವ
ಗಾಳಿಗೆ ಹೊರತು
ನಂದಿಹೋಗುವ ಗಳಿಗೆಗಲ್ಲ..

ಉರಿ ಕಡಿಮೆಯಾಗುವುದು
ಸಾಕೆಂದರೆ

ಬೆಂಕಿಯ ಬಂಧುಗಳೇ
ನೀಡಿಯಾರು….
ಬಾಣಲೆಯನ್ನು

ಬೆಂಕಿಯನ್ನು
ಆರಿಸುವುದೇ
ಗುರಿಯಾದಲ್ಲಿ…

ಬೇಯುತ್ತಿರುವವರೇ
ಒಟ್ಟುಗೂಡಿಸಬೇಕು
ಹನಿಹನಿ ನೀರನ್ನು…ಬೆವರನ್ನು ..

ಹುಡುಕಿ ಕೂಡಬೇಕು ಮತ್ತೆ
ಕಳೆದುಹೋದ ನೀರಿನ ನಂಟನ್ನು….

ತಿದಿ ಒತ್ತಿ ಮೇಲೆತ್ತಬೇಕು
ಬತ್ತಿಹೋದ ಅಂತರ್ಜಲವನ್ನು

✍🏿 ಶಿವಸುಂದರ್

ನಮ್ಮ ಸುದ್ದಿಗಳು ಇಷ್ಟವಾದರೆ ನುಡಿ ಕರ್ನಾಟಕ.ಕಾಂ (ಮಂಡ್ಯ ಡಿಜಿಟಲ್ ಮೀಡಿಯಾ) ಗೆ ದೇಣಿಗೆ ನೀಡಿ ಪ್ರೋತ್ಸಾಹಿಸಿ

Related Articles

LEAVE A REPLY

Please enter your comment!
Please enter your name here

ಅತ್ಯಂತ ಜನಪ್ರಿಯ