Thursday, November 19, 2026

ಪ್ರಾಯೋಗಿಕ ಆವೃತ್ತಿ

ಒಳ ಮೀಸಲಾತಿಗಾಗಿ ಎಸ್‌ಸಿ ಸಮೀಕ್ಷೆ | ಆನ್‌ಲೈನ್ ಸ್ವಯಂ ಘೋಷಣೆಯಲ್ಲಿ ತಾಂತ್ರಿಕ ಸಮಸ್ಯೆ ಆರೋಪ

ಪರಿಶಿಷ್ಟ ಜಾತಿಗಳ (SC) ಆನ್‌ಲೈನ್ ಸ್ವಯಂ ಘೋಷಣೆ ಪ್ರಾರಂಭವಾದ ಕೆಲವು ದಿನಗಳ ನಂತರ, ಕೆಲವು ಜಾತಿ ಪ್ರಮಾಣಪತ್ರ ಸಂಖ್ಯೆಗಳ ಹೊಂದಾಣಿಕೆ ಆಗುತ್ತಿಲ್ಲ ಎಂದು ಆರೋಪಗಳು ಕೇಳಿ ಬಂದಿದೆ ಎಂದು ಡೆಕ್ಕನ್ ಹೆರಾಲ್ಡ್ ವರದಿ ಮಾಡಿದೆ.

ಆನ್‌ಲೈನ್ ಸ್ವಯಂ ಘೋಷಣೆಯು ಒಳ ಮೀಸಲಾತಿಯನ್ನು ನಿರ್ಧರಿಸಲು ರಾಜ್ಯ ಸರ್ಕಾರ ರಾಜ್ಯದಾದ್ಯಂತ ನಡೆಸುತ್ತಿರುವ ಎಸ್‌ಸಿ ಸಮೀಕ್ಷೆಯ ಎರಡನೇ ಹಂತವಾಗಿದೆ. ಮೇ 05 ರಂದು ಪ್ರಾರಂಭವಾದ ಮನೆ-ಮನೆ ಸಮೀಕ್ಷೆಯು ಮೇ 25 ರಂದು ಮುಕ್ತಾಯಗೊಳ್ಳಲಿದೆ.

ಆನ್‌ಲೈನ್ ಸ್ವಯಂ ಘೋಷಣೆಯು ಮೇ 19 ರಂದು ಪ್ರಾರಂಭವಾಗಿದೆ. ಮೂರನೇ ಹಂತದಲ್ಲಿ (ಮೇ 26-28) ದಾಖಲಾತಿಗಾಗಿ ಶಿಬಿರಗಳನ್ನು ನಡೆಸಲಾಗುವುದು ಎಂದು ರಾಜ್ಯ ಸರ್ಕಾರ ಹೇಳಿದೆ.

ಆನ್‌ಲೈನ್ ಸಮೀಕ್ಷೆಯ ಸಮಯದಲ್ಲಿ, ನಾಗರಿಕರು ತಮ್ಮ ಜಾತಿ ಪ್ರಮಾಣಪತ್ರದ RD ಸಂಖ್ಯೆಯನ್ನು (ವಿಶಿಷ್ಟ ಗುರುತಿನ ಸಂಖ್ಯೆ) ನಮೂದಿಸಬೇಕು. ಆದಾಗ್ಯೂ, ಕೆಲವು ಜನರು ಈ ಕಾರ್ಡ್ ಸಂಖ್ಯೆಗಳನ್ನು ನವೀಕರಿಸುವಾಗ ದೋಷಗಳನ್ನು ಎದುರಿಸಿದ್ದಾರೆ ಎಂದು ವರದಿಯಾಗಿದೆ.

“ಕೆಲವರು ತಮ್ಮ ಜಾತಿ ಪ್ರಮಾಣಪತ್ರದ ಕೋಡ್ ಸಂಖ್ಯೆಯನ್ನು ಒದಗಿಸಿದಾಗ, ಅಪ್ಲಿಕೇಶನ್ ಅವರು SC ಗಳಲ್ಲ ಎಂದು ಹೇಳುತ್ತದೆ. ಇದು ಜಾತಿ ಪ್ರಮಾಣಪತ್ರದಲ್ಲಿ ಅಥವಾ ಪ್ರಮಾಣಪತ್ರ ಸಂಖ್ಯೆಯಲ್ಲಿ ತಪ್ಪಾಗಿರಬಹುದು ಅಥವಾ ಜಾತಿ ಪ್ರಮಾಣಪತ್ರಗಳು ನಕಲಿಯಾಗಿರಬಹುದು” ಎಂದು ಮೂಲವೊಂದನ್ನು ಉಲ್ಲೇಖಿಸಿ ಡೆಕ್ಕನ್ ಹೆರಾಲ್ಡ್ ವರದಿ ಮಾಡಿದೆ.

ಬೆಂಗಳೂರಿನಲ್ಲಿ ಚುರುಕುಗೊಂಡ ಸಮೀಕ್ಷೆ

ರಾಜ್ಯ ಸರಾಸರಿಗಿಂತ ತೀವ್ರವಾಗಿ ಕಡಿಮೆಯಾಗಿದ್ದ ಬೆಂಗಳೂರಿನ ಗಣತಿ ಸಂಖ್ಯೆಗಳು ಕಳೆದ ಕೆಲವು ದಿನಗಳಿಂದ ಹೆಚ್ಚಾಗಿದೆ ಎಂದು ವರದಿ ಉಲ್ಲೇಖಿಸಿದೆ.

ಭಾನುವಾರದ ವೇಳೆಗೆ, ಬೆಂಗಳೂರಿನಲ್ಲಿ (ಬೃಹತ್ ಬೆಂಗಳೂರು ಮಹಾನಗರ ಪಾಲಿಕೆ ಮಿತಿಗಳು) 75,719 ಎಸ್‌ಸಿ ಕುಟುಂಬಗಳನ್ನು ಗಣತಿ ಮಾಡಲಾಗಿದೆ. ಬುಧವಾರದ ವೇಳೆಗೆ ಈ ಸಂಖ್ಯೆ ಗಮನಾರ್ಹವಾಗಿ ಸುಮಾರು 1.5 ಲಕ್ಷಕ್ಕೆ ಏರಿದೆ. ರಾಜ್ಯಾದ್ಯಂತ, ಅಂದಾಜು 25.72 ಲಕ್ಷ ಎಸ್‌ಸಿ ಕುಟುಂಬಗಳಲ್ಲಿ ಸುಮಾರು 23 ಲಕ್ಷವನ್ನು ಸಮೀಕ್ಷೆ ಮಾಡಲಾಗಿದೆ ಎಂದು ವರದಿ ಹೇಳಿದೆ.

ನಮ್ಮ ಸುದ್ದಿಗಳು ಇಷ್ಟವಾದರೆ ನುಡಿ ಕರ್ನಾಟಕ.ಕಾಂ (ಮಂಡ್ಯ ಡಿಜಿಟಲ್ ಮೀಡಿಯಾ) ಗೆ ದೇಣಿಗೆ ನೀಡಿ ಪ್ರೋತ್ಸಾಹಿಸಿ

Related Articles

LEAVE A REPLY

Please enter your comment!
Please enter your name here

ಅತ್ಯಂತ ಜನಪ್ರಿಯ