ಬಿಗ್ ಬಾಸ್ ಕನ್ನಡ ಸೀಸರ್ -12 ಸ್ಪರ್ಧಿ, ನಟಿ ಅಶ್ವಿನಿ ಗೌಡ ಬಿಗ್ ಬಾಸ್ ನಲ್ಲಿ ತಪ್ಪಾಗಿ ಕನ್ನಡ ಬರೆಯುವ ಮೂಲಕ ಟ್ರೋಲ್ ಪೇಜ್ ಗಳಿಗೆ ಆಹಾರವಾಗಿದ್ದಾರೆ. ಕರ್ನಾಟಕ ರಕ್ಷಣಾ ವೇದಿಕೆ (ನಾರಾಯಣಗೌಡ ಬಣ) ಯ ಮಹಿಳಾ ಘಟಕದ ರಾಜ್ಯ ಗೌರವಾಧ್ಯಕ್ಷೆಯೂ ಆಗಿರುವ ಅಶ್ವಿನಿ ಗೌಡ ಅವರು ಕನ್ನಡ ಬರೆಯಲು ಬಾರದೇ ಎಡವಿರುವ ಪ್ರಸಂಗ ಸಖತ್ ಟ್ರೋಲ್ ಆಗಿದೆ.
ಏನಾಯ್ತು ?
‘ಬಿಗ್ ಬಾಸ್ ಕನ್ನಡ 12’ ಕಾರ್ಯಕ್ರಮದಲ್ಲಿ ಕಟ್ಟ ಕಡೆಯ ವಾರ ಸ್ಪರ್ಧಿಗಳಿಗೆ ‘ಬಿಗ್ ಬಾಸ್’ ವಿಶೇಷ ಚಟುವಟಿಕೆ ನೀಡಿದ್ದರು. ಇದರ ಅನುಸಾರ.. ತಮ್ಮ ‘ಬಿಗ್ ಬಾಸ್’ ಜರ್ನಿಯ ಕುರಿತು ಸ್ಪರ್ಧಿಗಳು ತಮಗೆ ತಾವೇ ಟೈಟಲ್ ಹಾಗೂ ಹ್ಯಾಶ್ ಟ್ಯಾಗ್ಗಳನ್ನ ಕೊಟ್ಟುಕೊಳ್ಳಬೇಕಿತ್ತು. ಈ ವೇಳೆ ಅಶ್ವಿನಿ ಗೌಡ ಬರೆದ ಕನ್ನಡ ಪದಗಳಲ್ಲಿ ತಪ್ಪುಗಳಿದ್ದವು.
ನಾರಾಯಣ ಗೌಡ್ರು ಬರ್ಬೇಕಂತೆ ಅಕ್ಕಂಗೆ ಮನೆ ಒಳಗೆ ಈ ಕನ್ನಡನ ನೋಡೋಕೆ#BBK12 pic.twitter.com/XWc1emiVlb
— 🎭ಕ್ವಾಟ್ಲೆ ಸತೀಶ (@Kwatlesathisha) January 12, 2026
“>
ಅಶ್ವಿನಿ ಗೌಡ ಬರೆದ ಕನ್ನಡ ಪದಗಳೇನು ?
‘ಛಲಗಾರ್ತಿ ಅಶ್ವಿನಿ’ ಅಂತ ಬರೆಯಲು ಹೋಗಿ.. ‘ಚಲಗಾಥಿ ಅಶ್ವಿನಿ’ ಅಂತ ಬರೆದು, ಅದನ್ನ ಸ್ಕ್ಯಾಚ್ ಮಾಡಿ ಬಳಿಕ ‘ಚಲಗಾರ್ತಿ ಅಶ್ವಿನಿ’ ಅಂತ ತಪ್ಪಾಗಿ ಅಶ್ವಿನಿ ಗೌಡ ಬರೆದಿದ್ದಾರೆ. ಆನಂತರ ಅಶ್ವಿನಿ ಗೌಡ ಬರೆದ ಹ್ಯಾಶ್ ಟ್ಯಾಗ್ಗಳಲ್ಲಿ ‘ಹಠವಾಧಿ’, ‘ಕಡಕ್’ ಅಂತ ಅಕ್ಷರದೋಷ ಕಂಡುಬಂದಿದೆ. ಇದನ್ನೇ ಸ್ಕ್ರೀನ್ ಶಾಟ್ ತೆಗೆದು ವೀಕ್ಷಕರು ಟ್ರೋಲ್ ಮಾಡುತ್ತಿದ್ದು, ಸಾಮಾಜಿಕ ಜಾಲತಾಳದಲ್ಲಿ ಸಖತ್ ವೈರಲ್ ಆಗಿದೆ.




