Wednesday, November 18, 2026

ಪ್ರಾಯೋಗಿಕ ಆವೃತ್ತಿ

ಜಾತಿ ಧರ್ಮಗಳು ಚಿತೆಯೊಳಗೆ

ಸುಡುಗಾಡಿನೊಳಗೆ ಒಬ್ಬನೆ ನಿಂತು
ಜಾತಿ ಧರ್ಮಗಳ ಚಿತೆಯೊಳಗಿಟ್ಟು
ಬೇಯಿಸುತ್ತಿದ್ದೇನೆ
ಪೂರ ಬೇಯುತ್ತಿಲ್ಲ ಬೆಂಕಿ ಸರಿ ಉರಿಯುತ್ತಿಲ್ಲ

ಬೇಡಿಕೊಳ್ಳುವೆನು ತೋಡಿಸಿಕೊಂಡಿರುವ
ಬೇಡಿಗಳಿಂದ ಬಿಡಿಸಿಕೊಂಡು
ಒಂದೊಂದೆ ಕಟ್ಟಿಗೆಗಳ ಕೈಯಲ್ಲಿಡಿದುಕೊಂಡು
ತನ್ನಿ ಗೋಡೆಮೇಲೆ ಒಣಗುತ್ತಿರುವ ಬೆರಣಿಗಳನ್ನು

ಆಕಾಶಕ್ಕೆ ಹೊಗೆ ತಾಕುವ ಹಾಗೆ
ನದಿಗಳೆ ಬೆದರಿ ಬೆಚ್ಚುವ ಹಾಗೆ
ಬೆಂಕಿಯನಿಟ್ಟು ಬೂದಿಯ ಬಿಡುವ

ಬೀಡುಬಿಟ್ಟಿರುವ ಅಸಮಾನತೆಯ
ತೊಡೆದೊಡೆದೋಡಿಸಿ
ತಂಪಿನ ಕಂಪಿನ ತಂಗಾಳಿಯ
ಕರೆಬರೆಸೆಳೆಯುವ
ಎಲ್ಲರೂ ಕೂಡಿ ಮಾನವ ದೀಕ್ಷೆಯ ಪಡೆಯುವ

– ಶ್ರಮ ಕುಮಾರ್

ನಮ್ಮ ಸುದ್ದಿಗಳು ಇಷ್ಟವಾದರೆ ನುಡಿ ಕರ್ನಾಟಕ.ಕಾಂ (ಮಂಡ್ಯ ಡಿಜಿಟಲ್ ಮೀಡಿಯಾ) ಗೆ ದೇಣಿಗೆ ನೀಡಿ ಪ್ರೋತ್ಸಾಹಿಸಿ

Related Articles

1 COMMENT

  1. ಜಾತಿ ಧರ್ಮಗಳು ಚಿತೆಯೊಳಗೆ..
    ಶೀರ್ಷಿಕೆಯೇ ಅದ್ಭುತವಾಗಿದೆ..ಪ್ರಸ್ತುತ ಜಾತಿ ಧರ್ಮಗಳು ಚಿತೆಯಿಂದ ಎದ್ದುಬಿಟ್ಟಿವೆ.

LEAVE A REPLY

Please enter your comment!
Please enter your name here

ಅತ್ಯಂತ ಜನಪ್ರಿಯ