Saturday, November 21, 2026

ಪ್ರಾಯೋಗಿಕ ಆವೃತ್ತಿ

ಗಣಪತಿ ಪ್ರತಿಷ್ಠಾಪನೆ ಮಾಡಿ ಭಾವೈಕ್ಯತೆ ಮೆರೆದ ಮುಸ್ಲಿಮರು

ದೇಶದ ಹಲವೆಡೆ ಹಿಂದೂ- ಮುಸ್ಲಿಮರ ನಡುವೆ ದ್ವೇಷ ಬಿತ್ತುತ್ತಿರುವ ಸಂದರ್ಭದ ಮಧ್ಯೆಯೂ ಹಲವೆಡೆ ಹಿಂದೂ-ಮುಸಲ್ಮಾನರು ಜೊತೆಗೂಡಿ ಹಲವು ಧಾರ್ಮಿಕ ಹಬ್ಬಗಳನ್ನು ಒಂದುಗೂಡಿ ಆಚರಿಸುವ ಮೂಲಕ ಭಾವೈಕ್ಯತೆ ಸಾರಿರುವ ಹಲವು ಪ್ರಕರಣಗಳನ್ನು ನೋಡಿದ್ದೇವೆ‌.

ಮಂಡ್ಯ ನಗರದ ಕೆರೆಯಂಗಳದ ಬೀಡಿ ಕಾಲನಿಯಲ್ಲಿ ಹಿಂದೂ-ಮುಸಲ್ಮಾನ ಬಂಧುಗಳು ಒಂದುಗೂಡಿ ಗಣಪತಿ ಮೂರ್ತಿ ಪ್ರತಿಷ್ಠಾಪನೆ ಮಾಡುವ ಮೂಲಕ ಹಿಂದು-ಮುಸ್ಲಿಂ ಸಹೋದರತ್ವಕ್ಕೆ ಸಾಕ್ಷಿಯಾಗಿದ್ದಾರೆ.

ಗಣೇಶ ಚತುರ್ಥಿ ಆಚರಣೆಯ ಹಿನ್ನಲೆಯಲ್ಲಿ ಇಂದು
ಹಿಂದೂ-ಮುಸ್ಲಿಮರು ಜೊತೆಗೂಡಿ ಗಣಪನಿಗೆ ಪೂಜೆ ನೆರವೇರಿಸಿದರು. ಪೂಜೆಗೆ ಸಿದ್ಧಪಡಿಸಿದ್ದ ನೈವೇದ್ಯವನ್ನು ಹಿಂದೂ- ಮುಸ್ಲಿಂ ಸಮುದಾಯದವರು ಪರಸ್ಪರ ತಿನ್ನಿಸುವ ಮೂಲಕ ಸಂಭ್ರಮ ಪಟ್ಟರು.

ನಮ್ಮ ನಡುವೆ ಯಾವುದೇ ವೈರತ್ವವಿಲ್ಲವೆಂದು ಸಾರಿದ್ದಲ್ಲದೆ,ನಾವೆಲ್ಲಾ ಒಂದೇ ತಾಯಿಯ ಮಕ್ಕಳೆಂದು ದೇಶಕ್ಕೆ ತೋರಿಸಿ ಕೊಟ್ಟರು‌.

ಎಸ್ಪಿ ಯತೀಶ್ ಭೇಟಿ

ಹಿಂದೂ- ಮುಸಲ್ಮಾನ ಬಂಧುಗಳು ಒಂದುಗೂಡಿ ಗಣೇಶ ಮೂರ್ತಿ ಪ್ರತಿಷ್ಠಾಪನೆ ಮಾಡಿರುವ ಬೀಡಿ ಕಾಲೋನಿಗೆ ಭೇಟಿ ನೀಡಿದ ಜಿಲ್ಲಾ ಪೋಲಿಸ್ ವರಿಷ್ಟಾಧಿಕಾರಿ ಎ‌ನ್.ಯತೀಶ್,ಭಾವೈಕ್ಯತೆಯ ಸಂಕೇತವಾಗಿ ಗಣೇಶ ಪ್ರತಿಷ್ಠಾಪನೆ ಮಾಡಿರುವ ಹಿಂದೂ-ಮುಸ್ಲಿಂ ಎರಡೂ ಸಮುದಾಯದವರಿಗೆ ಶುಭ ಕೋರಿದರು.

ಗಣೇಶ ಚತುರ್ಥಿಯನ್ನು ಹಿಂದೂ- ಮುಸ್ಲಿಮರು ಜೊತಗೂಡಿ ಆಚರಿಸುವ ಮೂಲಕ ಭಾವೈಕ್ಯತೆಯ ಸಂದೇಶ ಸಾರಿದ್ದಾರೆ.ಇದು ಎಲ್ಲರೂ ಸಂಭ್ರಮಿಸ ಬೇಕಾದ ಸಂಗತಿ ಎಂದರು.

ನಗರಸಭೆ ಸದಸ್ಯರಾದ ನಯೀಂ,ಜಾಕೀರ್ ಪಾಷ ಮತ್ತಿತರರಿದ್ದರು.

ನಮ್ಮ ಸುದ್ದಿಗಳು ಇಷ್ಟವಾದರೆ ನುಡಿ ಕರ್ನಾಟಕ.ಕಾಂ (ಮಂಡ್ಯ ಡಿಜಿಟಲ್ ಮೀಡಿಯಾ) ಗೆ ದೇಣಿಗೆ ನೀಡಿ ಪ್ರೋತ್ಸಾಹಿಸಿ

Related Articles

LEAVE A REPLY

Please enter your comment!
Please enter your name here

ಅತ್ಯಂತ ಜನಪ್ರಿಯ