ಮಂಡ್ಯ ಜಿಲ್ಲಾ ಶಾಲಾ ಶಿಕ್ಷಣ ಇಲಾಖೆ ಉಪನಿರ್ದೇಶಕರ ಕಛೇರಿ ಹಾಗೂ ಬೆಂಗಳೂರು ಉತ್ತರ ಜಿಲ್ಲೆ ಶಾಲಾ ಶಿಕ್ಷಣ ಇಲಾಖೆ ಉಪನಿರ್ದೇಶಕರ ಕಛೇರಿ ಇವರ ವತಿಯಿಂದ ನಡೆದ ರಾಜ್ಯಮಟ್ಟದ ರೋಲರ್ ಸ್ಟೇಟಿಂಗ್ ಸ್ಪರ್ಧೆಯಲ್ಲಿ ಮಂಡ್ಯ ಜಿಲ್ಲೆಯ ವಿವಿಧ ಶಾಲೆಗಳ ಐವರು ವಿದ್ಯಾರ್ಥಿಗಳು ಜಯಗಳಿಸಿ ಬಹುಮಾನ ಪಡೆದಿದ್ದಾರೆ.
ಶ್ರೀರಕ್ಷಾ ಬಿ.ಎಂ., ಶಾರ್ವರಿ ಎಸ್.ಎಲ್., ಚಿನ್ಮಯಿ ಎಂ., ಮೋಕ್ಷಿತ ಎಂ.ಎಸ್ ಹಾಗೂ ರಾಜೇಶ್ವರಿ ಬಹುಮಾನಕ್ಕೆ ಭಾಜನರಾಗಿದ್ಧಾರೆ. ಈ ಪೈಕಿ ಚಿನ್ಮಯಿ ಎಂ ಮತ್ತು ಶಾರ್ವರಿ ಎಸ್.ಎಲ್ ಅವರು ಏ.11ರಿಂದ ಏ.15 ರವರೆಗೆ ಮಧ್ಯಪ್ರದೇಶದ ಸಾತ್ಮದಲ್ಲಿ ನಡೆಯಲಿರುವ ರಾಷ್ಟ್ರಮಟ್ಟದ ರೋಲರ್ ಸ್ಟೇಟಿಂಗ್ ಸ್ಪರ್ಧೆಯಲ್ಲಿ ಭಾಗವಹಿಸಲು ಅರ್ಹತೆ ಪಡೆದಿದ್ದಾರೆ.




