ಮಂಡ್ಯದ ಸೆಂಟ್ ಜಾನ್ಸ್ ಸಂಯುಕ್ತ ಪದವಿ ಪೂರ್ವ ಕಾಲೇಜಿನಲ್ಲಿ 2022-23 ನೇ ಸಾಲಿನಲ್ಲಿ ದ್ವಿತೀಯ ಪಿ.ಯು.ಸಿ ಪರೀಕ್ಷೆಯಲ್ಲಿ ಅತಿ ಹೆಚ್ಚು ಅಂಕ ಪಡೆದ ವಿದ್ಯಾರ್ಥಿಗಳಿಗೆ ಸನ್ಮಾನಿಸಿ ಗೌರವಿಸಲಾಯಿತು.
ಜಿಲ್ಲಾ ಪೊಲೀಸ್ ವರಿಷ್ಠಾಧಿಕಾರಿ ಎನ್.ಯತೀಶ್ ಅವರು ವಿಜ್ಞಾನ ವಿಭಾಗದ ಹೆಚ್.ಎಸ್ ಶ್ರೇಯಸ್(96.8%) ಹಾಗೂ ವಾಣಿಜ್ಯ ವಿಭಾಗದ ಹೆಚ್.ಜೆ ದೀಪಿಕಾ (96%) ಅವರಿಗೆ ಅಭಿನಂದಿಸಿದರು. ನಂತರ ಮಾತನಾಡಿದ ಅವರು, ಸೆಂಟ್ ಜೋಸೆಫ್ ಕಾಲೇಜಿನಲ್ಲಿ ಈ ಬಾರಿ ಉತ್ತಮ ಫಲಿತಾಂಶ ಬಂದಿರುವುದು ಸಂತಸದ ವಿಚಾರ. ಮುಂಬರುವ ವಿದ್ಯಾರ್ಥಿಗಳಿಗೆ ನೀವು ಮಾದರಿಯಾಗಬೇಕು, ಆ ನಿಟ್ಟಿನಲ್ಲಿ ನಿಮ್ಮ ವಿದ್ಯಾಭ್ಯಾಸದ ಕಡೆ ಗಮನವಿರಲಿ ಎಂದು ವಿದ್ಯಾರ್ಥಿಗಳಿಗೆ ಕಿವಿಮಾತು ಹೇಳಿದರು.
ಕಾರ್ಯಕ್ರಮದಲ್ಲಿ ಫಾದರ್ ಡಾ.ಲೂರ್ದ್ ಪ್ರಸಾದ್, ಫಾದರ್ ಪ್ರವೀಣ್, ಕ್ರಿಸ್ಟೊಪರ್, ಶ್ವೇತಾ, ಮಾಲಾ, ದಿವ್ಯ, ಲಕ್ಷ್ಮಿ, ಮೀನಾ, ಮಾನಸ, ಸೌಮ್ಯ, ಯಶಸ್ವಿನಿ, ಪೂರ್ಣಿಮಾ, ಮಾತಾಶ್ರೀ, ರೂಪಿಣಿ, ಗೌತಮಿ, ರಾಜನ್, ಸಿಜೋ ಸೇರಿದಂತೆ ಸಿಬ್ಬಂದಿ ವರ್ಗದವರು ಹಾಜರಿದ್ದರು.