ಪಂಚರತ್ನ ಯಾತ್ರೆ ಮೂಲಕ ನಿನ್ನೆ ಮಂಡ್ಯ ಜಿಲ್ಲೆಯ ಮಳವಳ್ಳಿ ವಿಧಾನಸಭಾ ಕ್ಷೇತ್ರವನ್ನು ಪ್ರವೇಶಿಸಿದ ಜೆಡಿಎಸ್ ನಾಯಕ, ಮಾಜಿ ಸಿಎಂ ಹೆಚ್.ಡಿ.ಕುಮಾರಸ್ವಾಮಿ ಅವರನ್ನು ಸ್ವಾಗತಿಸಲು ಅವರ ಅಭಿಮಾನಿಗಳು ಈ ಬಾರಿ ವಿಶೇಷವಾದ ಹಾರಗಳ ಮೊರೆ ಹೋದರು.
ಮಳವಳ್ಳಿ ವಿಧಾನಸಭೆ ಕ್ಷೇತ್ರದ ಕಿರುಗಾವಲುನಲ್ಲಿ ಬೆಲ್ಲದ ಹಾರ, ಮಂಡ್ಯ ಮಣ್ಣಿನ ಸೊಗಡಿನ ಸತ್ಕಾರ.#ಪಂಚರತ್ನ_ರಥಯಾತ್ರೆ #ಮಳವಳ್ಳಿ #ಮಂಡ್ಯ pic.twitter.com/KvnAGgU2G2
— ಹೆಚ್.ಡಿ.ಕುಮಾರಸ್ವಾಮಿ | H.D.Kumaraswamy (@hd_kumaraswamy) December 20, 2022
“>
ನಿನ್ನೆ ಮಳವಳ್ಳಿ ವಿಧಾನಸಭಾ ಕ್ಷೇತ್ರದಲ್ಲಿ ಯಾತ್ರೆ ಕೈಗೊಂಡ ತಮ್ಮ ನೆಚ್ಚಿನ ನಾಯಕನನ್ನು ಬೆಲ್ಲದಿಂದಲೇ ಕಟ್ಟಿದ ಬೃಹತ್ ಹಾರವನ್ನು ಕ್ರೇನ್ ಸಹಾಯದಿಂದ ಕುಮಾರಸ್ವಾಮಿ ಸೇರಿದಂತೆ ಜೆಡಿಎಸ್ ನಾಯಕರಿಗೆ ಹಾಕಿ ಅಭಿಮಾನ ಮೆರೆದರು.

ಯಾತ್ರೆಯುದ್ದಕ್ಕೂ ಕುಮಾರಸ್ವಾಮಿಯವರು ಅಭಿಮಾನಿಗಳು ಕಟ್ಟಿದ್ದ ಮುಸುಕಿನ ಜೋಳದ ಹಾರ, ಸೇಬಿನ ಹಾರ, ಅನಾನಸ್ ಹಾರ, ಮೊಸಂಬಿ ಹಾರ, ಕಬ್ಬಿನ ಜಲ್ಲೆಗಳಿಂದಲೇ ತಯಾರಿಸಿದ ಹಾರ ಸೇರಿದಂತೆ ಬೃಹತ್ ಪುಷ್ಪಮಾಲೆಗಳಿಗೆ ಕೊರಳೊಡ್ಡಿದರು. ತಮ್ಮ ನಾಯಕನಿಗೆ ವಿಶೇಷದ ಹಾರ ಹಾಕಿ ಅಭಿಮಾನಿಗಳು ಸಂಭ್ರಸಿದರು.

ಮಗುವಿಗೆ ಕುಮಾರಸ್ವಾಮಿ ಎಂದು ಹೆಸರು ನಾಮಕರಣ
ಪಂಚರತ್ನ ಯಾತ್ರೆಯ ಸಂದರ್ಭದಲ್ಲಿ ಪತ್ರಕರ್ತ ಮಹೇಶ್ ಎಂಬುವವರ ತಂಗಿಯ ಮಗುವಿಗೆ ಕುಮಾರಸ್ವಾಮಿ ಎಂದು ಹೆಚ್.ಡಿ.ಕುಮಾರಸ್ವಾಮಿ ಅವರು ನಾಮಕರಣ ಮಾಡಿದರು.

ನಿನ್ನೆ ರಾತ್ರಿ ದುಗ್ಗನಹಳ್ಳಿ ಗ್ರಾಮದಲ್ಲಿ ವಾಸ್ತವ್ಯ ಹೂಡಿದ್ದರು. ರಾತ್ರಿ 1:30 ಗಂಟೆಯಾದರೂ ಚಳಿಯಲ್ಲಿ ನನಗಾಗಿ ಕಾದಿದ್ದಿರ ಇದಕ್ಕೆ ನಾನು ನಿಮಗೆ ಚಿರಋಣಿಯಾಗಿರುತ್ತೇನೆ ಎಂದು ಕುಮಾರಸ್ವಾಮಿ ಹೇಳಿದರು.




