ಉಜ್ಬೇಕಿಸ್ತಾನ್‌ನಲ್ಲಿ 29 ಮಕ್ಕಳ ಸಾವಿನ ನಂತರ ಮಕ್ಕಳಿಗೆ ಕೊಡಲಾಗುತ್ತಿದ್ದ ಭಾರತದಲ್ಲಿ ತಯಾರಾಗುತ್ತಿದ್ದ ಎರಡು ಕೆಮ್ಮಿನ ಸಿರಪ್ ಗಳನ್ನು ಬಳಸದಂತೆ ವಿಶ್ವ ಆರೋಗ್ಯ ಸಂಸ್ಥೆಯು (WHO)ಸೂಚನೆ ನೀಡಿದೆ.
ಭಾರತದಲ್ಲಿ ಮರಿಯನ್‌ ಬಯೋಟೆಕ್‌ ಮತ್ತು ಫಾರ್ಮಾಸ್ಯುಟಿಕಲ್‌ ಕಂಪನಿಯು ತಯಾರಿಸುತ್ತಿದ್ದ ಎರಡು ಕೆಮ್ಮಿನ ಸಿರಪ್ ನ ಸೇವನೆಯಿಂದ ಈ ಮಕ್ಕಳು ಅಸುನೀಗಿದ್ದಾರೆ ಎಂದು ಉಜ್ಬೇಕಿಸ್ತಾನ್‌ ಆರೋಗ್ಯ ಸಂಸ್ಥೆಯು ಹೇಳಿಕೆ ನೀಡಿತ್ತು.
AMBRONOL ಸಿರಪ್ ಮತ್ತು DOK-1 ಮ್ಯಾಕ್ಸ್‌ ಸಿರಪ್ ಹೆಸರಿನ ಇವು ಅತಿಯಾಗಿ ಡೈಥಿಲೀನ್‌ ಗ್ಲೈಕೋಲ್‌ ಹೊಂದಿರುವುದರಿಂದ ದೇಹಕ್ಕೆ ಸ್ವೀಕಾರಾರ್ಹವಲ್ಲ ಎಂದು WHO ವರದಿ ನೀಡಿದೆ. ಈ ವರದಿಯನ್ನು ಪರಿಗಣನೆಗೆ ತೆಗ್ದುಕೊ‍ಳ್ಳದ ಭಾರತದ ಕಂಪನಿಯು, ಯಾವುದೇ ಪ್ರತಿಕ್ರಿಯೆ ನೀಡಿಲ್ಲ.
WHO ನಿಷೇಧ ಹೇರಿದರೂ ಕೂಡ ಈವರೆಗೂ ತಯಾರಕರು ಈ ಉತ್ಪನ್ನಗಳ ಸುರಕ್ಷತೆಯ ಬಗ್ಗೆ ಯಾವುದೇ ಮಾಹಿತಿಯನ್ನು ನೀಡದೇ ಇರುವುದು, ಮತ್ತು ಅನೌಪಚಾರಿಕವಾಗಿ ಮಾರುಕಟ್ಟೆಗೆ ಪ್ರವೇಶ ನೀಡಿ ಮಾರಾಟ ಮಾಡುತ್ತಿರುವ ಬಗ್ಗೆ ಕಳವಳ ವ್ಯಕ್ತಪಡಿಸಿದೆ.
ನಿಷೇಧ ಹೇರಲಾದ ಆ ಶಿರಪ್‌ ಗಳು 21% ಹೆಚ್ಚಿನ ಅಧಿಕ ಪ್ರಮಾಣದ DEG ಅನ್ನು ಒಳಗೊಂಡಿದೆ ಎಂದು ಈ ಹಿಂದೆ ವೈರ್‌ ಮಾಧ್ಯಮ ವರದಿ ಮಾಡಿತ್ತು. ಆ ಸಿರಪ್ ಗಳಿಂದ ನಮ್ಮ ದೇಶದಲ್ಲಿಯೂ ಸುಮಾರು 70 ಮಕ್ಕಳ ಸಾವಾಗಿದೆ ಎಂದು ಗ್ಯಾಂಬಿಯಾ ಸಂಸತ್ತು ವರದಿ ನೀಡಿತ್ತು. ಆದರೆ ಭಾರತ ಸರ್ಕಾರ ಮಾತ್ರ ಈವರೆಗೂ ಆ ವರದಿಯ ಬಗ್ಗೆ ಚಕಾರವೆತ್ತಿಲ್ಲ.
ಈ ಎಲ್ಲಾ ಬೆಳವಣಿಗೆಯ ಬಗ್ಗೆ ನೋಯ್ಡಾದ ಡ್ರಗ್‌ ಇನ್ಸ್ಪೆಕ್ಟರ್‌ ವೈಭವ್‌ ಬಬ್ಬರ್‌ ಪ್ರತಿಕ್ರಿಯೆ ನೀಡಿದ್ದು, ನಮಗೆ ಸಾಕಷ್ಟು ದಾಖಲೆಗಳನ್ನು ಪರಿಗಣಿಸಿ ರಾಜ್ಯ ಪರವಾನಗಿ ಪ್ರಾಧಿಕಾರದಿಂದ ಶೊಕಾಸ್‌ ನೋಟಿಸ್‌ ನೀಡಲಾಗಿದೆ. ಕಂಪನಿಯ ಎಲ್ಲಾ ಔಷಧಗಳ ತಯಾರಿಕೆಯನ್ನು ನಿಲ್ಲಿಸಲಾಗಿದೆ ಎಂದು ANI ಗೆ ತಿಳಿಸಿದ್ದಾರೆ.
