Saturday, November 21, 2026

ಪ್ರಾಯೋಗಿಕ ಆವೃತ್ತಿ

ಕೇಂದ್ರ ಕೈಗಾರಿಕಾ ಭದ್ರತಾ ಪಡೆಗೆ 1124 ಕಾನ್ಸ್‌ಟೇಬಲ್‌ – ಡ್ರೈವರ್ಸ್ ನೇಮಕಾತಿ ; ಅರ್ಜಿ ಸಲ್ಲಿಸುವುದು ಹೇಗೆ ? ಇಲ್ಲಿದೆ ಸಂಪೂರ್ಣ ಮಾಹಿತಿ…..

ಕೇಂದ್ರ ಕೈಗಾರಿಕಾ ಭದ್ರತಾ ಪಡೆಯು ಭಾರತೀಯ ಪುರುಷ ಅಭ್ಯರ್ಥಿಗಳಿಂದ ಕಾನ್ಸ್‌ಟೇಬಲ್ / ಡ್ರೈವರ್ ಕಮ್ ಪಂಪ್ ಅಪರೇಟರ್ (ಡ್ರೈವರ್ ಫಾರ್ ಫೈಯರ್ ಸರ್ವೀಸ್) ಹುದ್ದೆಗಳ ಭರ್ತಿಗೆ ನೇಮಕಾತಿ ಪ್ರಕಟಣೆ ಹೊರಡಿಸಲಾಗಿದೆ.

ಈ ಹುದ್ದೆಗಳಿಗೆ ವೇತನ ಶ್ರೇಣಿ ರೂ.21,700 – 69,100 ಇರಲಿದೆ. ಕೇವಲ ಎಸ್‌ಎಸ್‌ಎಲ್‌ಸಿ ಪಾಸಾದವರು ಈ ಹುದ್ದೆಗಳಿಗೆ ಅನ್ ಲೈನ್ ಮೂಲಕ ಅರ್ಜಿ ಸಲ್ಲಿಸಬಹುದು.

ನೇಮಕಾತಿ ಪ್ರಾಧಿಕಾರ ಕೇಂದ್ರ ಕೈಗಾರಿಕಾ ಭದ್ರತಾ ಪಡೆ
ಹುದ್ದೆ ಹೆಸರು ಕಾನ್ಸ್‌ಟೇಬಲ್‌ – ಡ್ರೈವರ್
ಹುದ್ದೆಗಳ ಸಂಖ್ಯೆ 1124
ವೇತನ ಶ್ರೇಣಿ ರೂ.21,700 – 69,100
ಹುದ್ದೆ ಹೆಸರು ಹುದ್ದೆಗಳ ಸಂಖ್ಯೆ
ಕಾನ್ಸ್‌ಟೇಬಲ್ ಡ್ರೈವರ್ – ನೇರ ನೇಮಕಾತಿ 845
ಕಾನ್ಸ್‌ಟೇಬಲ್ (ಡ್ರೈವರ್ ಕಮ್ ಪಂಪ್ ಆಪರೇಟರ್ ) (ಡ್ರೈವರ್ ಫಾರ್ ಫೈಯರ್ ಸರ್ವೀಸೆಸ್) – ನೇರ ನೇಮಕಾತಿ 279
ಒಟ್ಟು ಹುದ್ದೆಗಳ ಸಂಖ್ಯೆ 1124

ಶೈಕ್ಷಣಿಕ ವಿದ್ಯಾರ್ಹತೆ

ಎಸ್ಎಸ್‌ಎಲ್‌ಸಿ ಅಥವಾ ತತ್ಸಮಾನ ಶೈಕ್ಷಣಿಕ ಅರ್ಹತೆಗಳನ್ನು ಪಾಸ್ ಮಾಡಿರಬೇಕು. ಹೆವಿ ಮೋಟಾರ್ ವೆಹಿಕಲ್ ಅಥವಾ ಟ್ರಾನ್ಸ್‌ಪೋರ್ಟ್‌ ವೆಹಿಕಲ್, ಲೈಟ್‌ ಮೋಟಾರು ವೆಹಿಕಲ್, ಮೋಟಾರು ಸೈಕಲ್ ವಿತ್ ಗಿಯರ್, ಈ ಯಾವುದೇ ವೆಹಿಕಲ್‌ಗಳ ವಾಹನ ಚಾಲನಾ ಪರವಾನಗಿ (ಡ್ರೈವಿಂಗ್ ಲೈಸನ್ಸ್‌) ಹೊಂದಿರಬೇಕು.
ಕನಿಷ್ಠ 3 ವರ್ಷ ಹೆವಿ ಮೋಟಾರು ವೆಹಿಕಲ್’ಗಳನ್ನು ಓಡಿಸಿದ ಅನುಭವ ಇರಬೇಕು.

ವಯಸ್ಸಿನ ಮಿತಿ

ದಿನಾಂಕ 04-03-2025 ಕ್ಕೆ ಕನಿಷ್ಠ 21 ವರ್ಷ ಆಗಿರಬೇಕು. ಗರಿಷ್ಠ 27 ವರ್ಷ ವಯಸ್ಸು ಮೀರಿರಬಾರದು.

ಪರೀಕ್ಷೆಗಳು

  • ಪಿಇಟಿ / ಪಿಎಸ್‌ಟಿ / ಮೂಲ ದಾಖಲೆಗಳ ಪರಿಶೀಲನೆ, ಟ್ರೇಡ್‌ ಟೆಸ್ಟ್‌
  • ಲಿಖಿತ ಪರೀಕ್ಷೆ
  • ಸವಿವರ ಮೆಡಿಕಲ್ ಪರೀಕ್ಷೆಗಳು

ಹುದ್ದೆಗಳಿಗೆ ಅರ್ಜಿ ಹಾಕಿದವರಿಗೆ ಮೊದಲಿಗೆ ದೈಹಿಕ ಸಾಮರ್ಥ್ಯ, ಸಹಿಷ್ಣುತೆ ಅರ್ಹತೆಗಳ ಪಿಇಟಿ / ಪಿಎಸ್‌ಟಿ ನಡೆಸಿ, ನಂತರ ಮೂಲ ದಾಖಲೆಗಳ ಪರಿಶೀಲನೆ, ಟ್ರೇಡ್‌ ಟೆಸ್ಟ್‌ ನಡೆಸಲಾಗುತ್ತದೆ. ಇದರಲ್ಲಿ ಅರ್ಹತೆ ಪಡೆದವರಿಗೆ ಓಎಂಆರ್‌ ಆಧಾರದಲ್ಲಿ ಅಥವಾ ಸಿಬಿಟಿ ಆಧಾರದಲ್ಲಿ ಲಿಖಿತ ಪರೀಕ್ಷೆ ನಡೆಸಲಾಗುತ್ತದೆ. ಇದು ಹಿಂದಿ, ಇಂಗ್ಲಿಷ್‌ನಲ್ಲಿ ಪರೀಕ್ಷೆ ಪ್ರಶ್ನೆ ಇರುತ್ತದೆ. ಅಂತಿಮವಾಗಿ ಮೆಡಿಕಲ್ ಎಕ್ಸಾಮಿನೇಷನ್ ನಡೆಸಲಾಗುತ್ತದೆ.

ಅರ್ಜಿ ಸಲ್ಲಿಸುವ ವಿಧಾನ

  • – ಸಿಐಎಸ್‌ಎಫ್‌ ವೆಬ್‌ಸೈಟ್‌ https://cisfrectt.cisf.gov.in ಗೆ ಭೇಟಿ ನೀಡಿ.
  • – ಓಪನ್‌ ಆದ ಪೇಜ್‌ನಲ್ಲಿ ‘Login’ ಎಂದಿರುವಲ್ಲಿ ಕ್ಲಿಕ್ ಮಾಡಿ.
  • – ಹೊಸ ವೆಬ್‌ಪೇಜ್‌ ಓಪನ್ ಅಗುತ್ತದೆ. ‘New Registration’ ಎಂದಿರುವಲ್ಲಿ ಕ್ಲಿಕ್ ಮಾಡಿ.
  • – ಬೇಸಿಕ್ ಡೀಟೇಲ್ಸ್‌ ನೀಡಿ ಮೊದಲು ಒನ್‌ ಟೈಮ್ ರಿಜಿಸ್ಟ್ರೇಷನ್‌ ಮಾಡಿಕೊಳ್ಳಿ.
  • – ನಂತರ ಮತ್ತೆ ಲಾಗಿನ್‌ ಆಗಿ, ಸವಿವರ ಮಾಹಿತಿ ನೀಡಿ, ಅರ್ಜಿ ಸಲ್ಲಿಸಿ.

ಅರ್ಜಿ ಸಲ್ಲಿಕೆ ಪ್ರಾರಂಭ, ಕೊನೆ ದಿನಾಂಕ

ಆನ್‌ಲೈನ್‌ ಅರ್ಜಿ ಸ್ವೀಕಾರ ಆರಂಭಿಕ ದಿನಾಂಕ: 03-02-2025
ಆನ್‌ಲೈನ್‌ ಅರ್ಜಿ ಸಲ್ಲಿಸಲು ಕೊನೆ ದಿನಾಂಕ: 04-03-2025

ಅರ್ಜಿ ಸಲ್ಲಿಸಲು ಬೇಕಾದ ದಾಖಲೆಗಳು

ಆಧಾರ್ ಕಾರ್ಡ್
ಜನ್ಮ ದಿನಾಂಕ ದಾಖಲೆ
ದ್ವಿತೀಯ ಪಿಯುಸಿ ಪಾಸ್‌ ಸರ್ಟಿಫಿಕೇಟ್
ಎಸ್‌ಎಸ್‌ಎಲ್‌ಸಿ / ತತ್ಸಮಾನ ವಿದ್ಯಾರ್ಹತೆ ದಾಖಲೆ
ಪಾಸ್‌ಪೋರ್ಟ್‌ ಅಳತೆ ಭಾವಚಿತ್ರ
ಇತರೆ ದಾಖಲೆಗಳು

ಶುಲ್ಕ

ಅಪ್ಲಿಕೇಷನ್‌ ಶುಲ್ಕ ರೂ.100.
ಪರಿಶಿಷ್ಟ ಜಾತಿ, ಪರಿಶಿಷ್ಟ ಕೆಟಗರಿ ಅಭ್ಯರ್ಥಿಗಳಿಗೆ ಶುಲ್ಕ ವಿನಾಯಿತಿ ಇರುತ್ತದೆ.

ಅಧಿಸೂಚನೆ, ಇತರೆ ಹೆಚ್ಚಿನ ಮಾಹಿತಿಗಳಿಗಾಗಿ ಭೇಟಿ ನೀಡಬೇಕಾದ ಕೇಂದ್ರ ಕೈಗಾರಿಕಾ ಭದ್ರತಾ ಪಡೆಯ ವೆಬ್‌ಸೈಟ್‌ ವಿಳಾಸ: https://www.cisf.gov.in

ನಮ್ಮ ಸುದ್ದಿಗಳು ಇಷ್ಟವಾದರೆ ನುಡಿ ಕರ್ನಾಟಕ.ಕಾಂ (ಮಂಡ್ಯ ಡಿಜಿಟಲ್ ಮೀಡಿಯಾ) ಗೆ ದೇಣಿಗೆ ನೀಡಿ ಪ್ರೋತ್ಸಾಹಿಸಿ

Related Articles

LEAVE A REPLY

Please enter your comment!
Please enter your name here

ಅತ್ಯಂತ ಜನಪ್ರಿಯ