ಮಂಡ್ಯ ವಿಧಾನ ಕ್ಷೇತ್ರದಿಂದ ಕಾಂಗ್ರೆಸ್ ಟಿಕೆಟ್ ಬಯಸಿದ್ದ ಡಾ.ಕೃಷ್ಣ ಬಂಡಾಯ ಕಾಂಗ್ರೆಸ್ ಅಭ್ಯರ್ಥಿಯಾಗಿ ಇಂದು ನಾಮಪತ್ರ ಸಲ್ಲಿಸಿದರು.
ಮಂಡ್ಯದ ತಾಲ್ಲೂಕು ಕಚೇರಿಯಲ್ಲಿ ಚುನಾವಣಾಧಿಕಾರಿಗೆ ಡಾ.ಕೃಷ್ಣ ನಾಮಪತ್ರ ಸಲ್ಲಿಸುವ ಸಂದರ್ಭದಲ್ಲಿ ಮುಖಂಡರಾದ ಅಮ್ಜದ್ ಪಾಷ,ಸ್ವರ್ಣಸಂದ್ರ ಸೋಮು,ವೇಣು ಅವರು ಉಪಸ್ಥಿತರಿದ್ದರು.
ಆಸ್ತಿ ವಿವರ
ಮಂಡ್ಯ ಜಿಲ್ಲೆಯಲ್ಲಿ ಈವರೆಗೆ ಆಸ್ತಿ ವಿವರ ಘೋಷಣೆ ಮಾಡಿಕೊಂಡಿರುವ ಅಭ್ಯರ್ಥಿಗಳಲ್ಲಿ ಮಂಡ್ಯ ಕ್ಷೇತ್ರದ ಕಾಂಗ್ರೆಸ್ ಬಂಡಾಯ ಅಭ್ಯರ್ಥಿ ಡಾ.ಎಚ್.ಕೃಷ್ಣ ಅವರೇ ಅತಿ ಶ್ರೀಮಂತ. ಅವರು ಬರೋಬ್ಬರಿ 172.72 ಕೋಟಿ ರೂ. ಮೌಲ್ಯದ ಆಸ್ತಿ ಘೋಷಿಸಿಕೊಂಡಿದ್ದಾರೆ. ಡಾ.ಎಚ್.ಕೃಷ್ಣ ಅವರ ಬಳಿ ತಲಾ ಒಂದು ಬೆನ್ಜ್, ಫಾರ್ಚ್ಯೂನರ್ ಕಾರುಗಳು ಸೇರಿದಂತೆ 3.22 ಕೋಟಿ ರೂ. ಮೌಲ್ಯದ ಚರಾಸ್ತಿ, ಮಂಡ್ಯದಲ್ಲಿ ಮನೆ, ವಾಣಿಜ್ಯ ಕಟ್ಟಡಗಳು, ಕೃಷಿ ಭೂಮಿ, ಕನಕಪುರದಲ್ಲಿ 72ಕೋಟಿ ರೂ. ಮೌಲ್ಯದ ಕೃಷಿಯೇತರ ಭೂಮಿ ಸೇರಿದಂತೆ 169.50 ಕೋಟಿ ರೂ. ಮೌಲ್ಯದ ಸ್ಥಿರಾಸ್ತಿ ಹೊಂದಿದ್ದಾರೆ. ಹಾಗೆಯೇ 10.05 ಕೋಟಿ ರೂ. ಸಾಲವಿದೆ ಎಂಬುದನ್ನೂ ನಮೂದಿಸಿದ್ದಾರೆ.
ಪತ್ನಿ ಡಾ.ಪಾವನ ಕೃಷ್ಣ ಅವರ ಬಳಿ 1.26 ಕೋಟಿ ರೂ. ಮೌಲ್ಯದ ಚರಾಸ್ತಿ, 6.50 ಕೋಟಿ ರೂ. ಮೌಲ್ಯದ ಸ್ಥಿರಾಸ್ತಿ ಇದೆ ಎಂದು ಅಫಿಡವಿಟ್ ನಲ್ಲಿ ಘೋಷಿಸಿಕೊಂಡಿದ್ದಾರೆ.
