ತೈಕ್ಕುಡಂ ಬ್ರಿಡ್ಜ್ ಕೇರಳ ಮೂಲದ ಸಂಗೀತ ವಾದ್ಯವೃಂದವಾಗಿದ್ದು, ಗೋವಿಂದ್ ವಸಂತ ಮತ್ತು ಸಿದ್ಧಾರ್ಥ್ ಮೆನನ್ ಅವರು 2013 ರಲ್ಲಿ ಸ್ಥಾಪಿಸಿದ್ದರು, ಈ ವಾದ್ಯವೃಂದ ಮೂಲ ಹಾಡುಗಳನ್ನು ಕೃತಿಚೌರ್ಯ ಮಾಡಿದ ಆರೋಪದ ಮೇಲೆ ಕಾಂತಾರ ಚಿತ್ರ ತಂಡದ ಮೇಲೆ ದೂರು ದಾಖಲಿಸಲು ಮುಂದಾಗಿದೆ.
ಈ ವಾದ್ಯವೃಂದ ಮೊದಲ ಬಾರಿಗೆ, ಮ್ಯೂಸಿಕಲ್ ಶೋ, ಮ್ಯೂಸಿಕಲ್ ಮೋಜೋ ಮೂಲಕ ಪ್ರಸಿದ್ಧವಾಯಿತು, ಇದು ಕಪ್ಪಾ ಟಿವಿಯಲ್ಲಿ ಪ್ರಸಾರವಾಯಿತು ಮತ್ತು ಅವರ ಸ್ವಂತ ಸಂಯೋಜನೆ “ಫಿಶ್ ರಾಕ್”, ಇದು ಸಾಮಾಜಿಕ ಜಾಲತಾಣಗಳು ಮತ್ತು ಯೂಟ್ಯೂಬ್ ಮೂಲಕ ಜನಪ್ರಿಯವಾಗಿತ್ತು. ಈ ವಾದ್ಯತಂಡ ಯಾವುದೇ ನಿರ್ದಿಷ್ಟ ಪ್ರಕಾರದ ಮೇಲೆ ಕೇಂದ್ರೀಕರಿಸಿರಲಿಲ್ಲ, ಬದಲಾಗಿ ಹಲವಾರು ವಿಭಿನ್ನ ಪ್ರಕಾರಗಳಲ್ಲಿ ಸಂಯೋಜನೆ ಮಾಡಿದೆ.
ತೈಕ್ಕುಡಂ ಬ್ರಿಡ್ಜ್ ವಾದ್ಯವೃಂದ ಯಾವುದೇ ರೀತಿಯಲ್ಲಿ “ಕಾಂತಾರ” ತಂಡದೊಂದಿಗೆ ಸಂಯೋಜಿತವಾಗಿಲ್ಲ ಎಂದು ಬ್ರಿಡ್ಜ್ ತಂಡ ತಮ್ಮ ಕೇಳುಗರಿಗೆ ಸ್ಪಷ್ಟಪಡಿಸಿದೆ. ಆಡಿಯೋ ವಿಷಯದಲ್ಲಿ ನಮ್ಮ ಐಪಿ “ನವರಸಂ” ಮತ್ತು “ವರಾಹ ರೂಪಂ” ನಡುವಿನ ಅನಿವಾರ್ಯ ಹೋಲಿಕೆಗಳು ಹಕ್ಕುಸ್ವಾಮ್ಯ ಕಾನೂನುಗಳ ಸ್ಪಷ್ಟ ಉಲ್ಲಂಘನೆಯಾಗಿದೆ ಎಂದು ಹೇಳಿಕೊಂಡಿದೆ.
ನಮ್ಮ ತಂಡದಿಂದ ಪ್ರೇರಣಿ ಪಡೆದು ಸಂಗೀತವನ್ನು ಕೃತಿಚೌರ್ಯ ಮಾಡಲಾಗಿದೆ, ಆದ್ದರಿಂದ ನಾವು ಕಾಂತಾರ ತಂಡದ ವಿರುದ್ಧ ಕಾನೂನು ಕ್ರಮವನ್ನು ಬಯಸುತ್ತೇವೆ. ಚಲನಚಿತ್ರದಲ್ಲಿ ನಮ್ಮ ಸೃಜನಶೀಲ ತಂಡದ ಹಾಡನ್ನು ಮೂಲ ಕೃತಿಯಾಗಿ ಪ್ರಚಾರ ಮಾಡಲಾಗಿದೆ ಎಂದು ತೈಕ್ಕುಡಂ ಬ್ರಿಡ್ಜ್ ತಂಡ ಪೇಸ್ಬುಕ್ ನಲ್ಲಿ ಹೇಳಿಕೊಂಡಿದೆ.